ՇՈՒՇԻ ՔԱՂԱՔԻ ԿՈՒՍԱՆԱՑ ԱՆԱՊԱՏ ՎԱՆՔԸ
Հարավային դրան ճակատակալ քարի վրա արձանագրված էր. «Կառուցվեց Սուրբ եկեղեցին Սուրբ Աստվածածնի անունով, Կույս Հռիփսիմեի ձեռագործ աշխատանքների վաստակով, իր հարազատ երեք եղբայրների՝ Իսրայել, Աստվածատուր և Պետրոս Գրիգորեան Բահադուրյանցների օժանդակությամբ, 1816 թվականին։ Նույն բազմաշխատ Կույս Հռիփսիմեն նաև կառուցել տվեց զանգակատունը՝ առանց ուրիշների օժանդակության»։
Անա
պատումս կա մի գրչագիր ավետարան միջակ գիրք, գրված թղթի վրա, պատկե-
րազարդ: Հիշատակարանից. «Հավատարիմ տանուտեր Հակոբը և իր հայր պարոն Գրիգորը, որ ստացան սա (Ավետարանը) իրենց արդար վաստակով... Իսկ ես՝ գրչի գործով վերջինս և կարգավորվածների մեջ անարժանս՝ Մկրտիչ աբեղան, պատվիրան ստացա առաքելական պատվիրատուից... Գրեցի այս Սուրբ Ավետարանը աստվածաբնակ և հրեշտակաճեմ Սուրբ Ուխտում, որ կոչվում է Սալն Անապատ, Սուրբ Աստվածածնի և Սուրբ Կարապետի հովանու ներքո... Հայրապետ Սարգիս կաթողիկոսի օրոք և Հայոց թվական ՋԼԴ (1485 թ.), ձեռամբ... աբեղայի։
Ավետարանի կողքին գրված է․ «Հիշատակ է սուրբ Ավետարանը Մայրապետ Մենաստանի Կուսանաց, Շուշու Վառվառա Բահաթրյանցի, 1888 թվականի ութերորդ ամսի 31-ին, Շուշի քաղաքում»։
Անապատն ունի ազնիվ, աշխատասեր, տնտեսագիտական և խնամածու աբբասուհի, երեք սարկավագուհի և մեկ նորեկ միաբանուհի»։
Առաջարկում ենք ազատագրումից հետո այն վերականգնել ամրոց-վանքի տեսքով, լուսանկարում ներկայացվածի նմուշօրինակով.
Комментарии
Отправить комментарий