Թող Հայաստանը լինի Լույսի Հայրենիք։

 

  Զարթնե՛ք, Լուսակիր Հայեր

Հայ ազգ, չնայած խավարի ուժերի հարյուրամյա ջանքերին՝ սպանելու քո միտքը, հավատն ու ստեղծագործական եռանդը, քո Լուսավոր որդիների աչքերում դեռ Լույս է առկայծում։
Այդ նախաստեղծ Լույսը գալիս է մեր նախնիներից՝ Հայկ Նահապետից, Վահագնից, Գրիգոր Նարեկացուց, Գարեգին Նժդեհից, Հովհաննես Թումանյանից և այն բոլոր հայերից, ովքեր իրենց կյանքով վառեցին հայ լինելու լույսը։

Բայց այսօր...
Երիտասարդության մի մասը մոլորվել է կախվածությունների, վախերի ու կեղծ իդեալների մեջ։
Այլոց հոգին խեղդվել է անտարբերության ու հուսահատության մեջ։ Ոմանք ուրացան Արարչին, իսկ մյուսները՝ հոգնելով երկարատև պայքարից, փակեցին իրենց հոգու դռները։

Սակայն հիշե՛նք՝ Արարչական Լույսը կրող հայը երբեք չի մարում, նույնիսկ երբ թվում է՝ ամեն ինչ ավարտված է։ Հայի հոգին հիշում է՝ ինքը Լույսի որդի է։
Այսօր մեր խնդիրն է՝ այն առկայծող Լույսը դարձնել բոց, որպեսզի այն այլևս չհանգչի։ 

Լույսի զավակ հայեր, զարթնե՛ք։

Վախի, մեղքի զգացման, շքեղության, անտարբերության ու օտար կեղծ իդեալների շղթաներում պահվողներ,
Ձեզ շեղում են, որ մոռանաք՝ ովքե՛ր եք դուք։

Մենք՝ Լույսի ջահակիր հայերս, եկել ենք Երկիր մոլորակ՝
բարձրացնելու նրա հոգևոր հաճախականությունը,
դարձնելու աշխարհն ավելի մաքուր, արդար և լուսավոր։

Արթնացումը հրաշք չէ՝ այն որոշում է։
Դա այն պահն է, երբ հայի հոգին այլևս չի համակերպվում խավարի հետ,
երբ նա սկսում է տարբերել՝ ինչն է պատրանք, ինչն է ճշմարիտ,
և քայլ առ քայլ վերադառնում է իր նախաստեղծ՝ Լույսի էությանը։ 

Ինչպե՞ս կարող է արթնանալ հայը՝ որպես Լույսի մարտիկ

1․ Մաքրելով մարմինն ու միտքը

Ազատվիր ամեն ինչից, ինչ քեզ ներքև է քաշում՝
ալկոհոլից, ծխախոտից, կեղծ լուրերից և կեղծ քաղաքականությունից։
Խմիր մաքուր ջուր, աղոթիր Սուրբ Սրբոց Արարչին, օրհնիր քո տունը աղով, մոմով, աղոթքով։
Լույսը չի բնակվում աղտոտ մարմնում։

2․ Վերադարձ բնությանը

 Հողը, ջուրը, քարը, արևը՝ քո բարեկամներն են։

Քայլիր բոբիկ հողի վրա, խոսիր ծառերի հետ, նայիր արևածագին և Սուրբ լեռ Արարատին, որն այսօր դեռ սպասում է իր որդիների փրկարար ջանքերին։
Բնությունը հիշեցնում է՝ դու ես Հայրենիքիդ պահապանը ։

3․ Գիտակցիր վախը և բաց թող այն

Վախը ստրկության շղթան է։ Ամեն օր քեզ ներշնչում են վախենալ՝ աղքատությունից, պատերազմից, ճշմարտությունից։
Ազատվիր վախից՝ բարձրաձայն կրկնելով ութ անգամ.

«Ես հայ եմ։ Ես ազատ եմ վախից։ Ես ընտրում եմ Լույսը։»

4․ Արթնացրու Լույսը քո մեջ 

Լռության մեջ շնչիր և պատկերացրու, թե ինչպես է քո սրտից ճառագում Լույսը,
հզորացնելով և Սիրով լցնելով  նախ ընտանիքդ, ապա՝ ազգիդ Սիրտը։
Երբ դու լուսավորվում ես՝ լուսավորվում է նաև Հայաստան աշխարհը։

5․ Անջատվիր օտար աղմուկից

Քիչ լսիր օտար քարոզիչներին ու կեղծ հեղինակություններին։ Ընկալիր քո ազգի հոգին, որը խոսում է քո ներսում։

6․ Ծառայիր Լույսին գործով

Կատարիր բարիք, օգնիր անօթևանին, սիրիր մանկանը, բեր հաց ու խաղաղություն։ Այդպես է Լույսը հաղթում խավարին։

7․ Միացի՛ր Լույսով ապրող հայերին

Լույսը բազմապատկվում է միասնության մեջ։ Ստեղծիր հավատքի ու Սիրո գմբեթներ, աղոթիր հայրենի հողը պահպանող զինվորի  համար, կարդա Նարեկացու խոսքը, երգիր «Արարատի ծոցում»։ 

Ինչպե՞ս օգնել քնած հայ եղբորը կամ քրոջը արթնանալ

Եթե մեկի մեջ տեսնում ես Լույսը՝
նշանակում է քո հոգին արդեն լսել է նրա կանչը։
Արթնացումը չես կարող պարտադրել, այն կարելի է վառել անձնական օրինակով։

Եղիր քո դրացինի Լույսը։ Ոչ թե քարոզիր, այլ ապրիր Լույսով։
Քո խաղաղությունը, քո հայացքը, քո Սերը՝ հենց դրանք են բուժում։

Լսիր՝ առանց դատելու։ Քնած հոգին ցավ ունի։ Լսիր նրան սիրով, և նա կբացի իր աչքերը։ Խոսի՛ր մեր նախնիների լեզվով։ Մի՛ ասա՝ «մատրիցա» կամ «վիբրացիա», այլ՝

«Ազգդ քեզ է կանչում», «Արարատը սպասում է քո ազատարար քայլերին», «Լույսը քո մեջ է, մի՛ վախեցիր»։

Օգնիր մաքրել դաշտը՝ մոմով, աղով, աղոթքով, խնկով։
Դա մեր նախնիների գիտելիքն է։ Թող էներգիան հոսի, և Լույսը բացվի։

Հուշիր կողքիդ մարդուն պատկերացնել իր հոգին՝ ոսկե Լույսի մեջ, և կրկնել․

«Ես հայ եմ։ Թող իմ ներսում արթնանա Սուրբ Սրբոց Արարչի Լույսը։» 

Արթնացումը Սուրբ Սրբոց Արարչի պարգևն է, բայց նաև ազգի պատասխանատվությունը։
Յուրաքանչյուր հայ կարթնանա, երբ իր հոգին պատրաստ լինի։

Կրկնիր՝

«Ես փարոս եմ, և ոչ թե փրկիչ»։

Արթնանալը փախուստ չէ խավարից — այն Լույսի ընտրությունն է։

Ժամանակն է արթնանալու։ Ժամանակն է հիշելու այն Սուրբ Ուժը,
որով հայը ապրեց հազարամյակներ։

Լույսի ժամանակը՝ հիմա է։
Եթե այս խոսքերը դրական թրթիռներ առաջացրին քո սրտում,
նշանակում է՝ քո Լույսն արդեն արթնացել է։