Կինոգործիչն է՞ հետապնդվում ...
Արևմտյան Հայաստանի տարածքում գտնվող Տիգրանակերտ (զավթիչ թուրքերն այն կոչում են Դիարբեքիր) քաղաքում Ավրորայի լուսաբացը ֆիլմի ցուցադրության համար դատական գործ հարուցելը փաստացի նշանակում է քրեականացնել ոչ միայն պատմական հիշողությունը, այլև 1915 թվականին Հայկական լեռնաշխարհի բնիկ հայ ազգաբնակչության նկատմամբ իրականացված ցեղասպանության մասին ցանկացած հանրային խոսք։
պատմությունը, ցույց է տալիս, որ թուրքական պետության քաղաքական և իրավական համակարգում դեռևս գերակայում է պատմական իրականության ժխտման և հիշողության ճնշման քաղաքականությունը։
Ուստի ակնհայտ է, որ քանի դեռ Թուրքիայում հայերի նկատմամաբ իրականացված ցեղասպանության թեման շարունակում է դիտարկվել որպես «թուրք ազգին վիրավորելու հանցանք», իսկ այդ թեմայի բարձրաձայնումը քրեականացվում է նույնիսկ մշակութային և կրթական հարթակներում, դժվար է խոսել հայ-թուրքական հարաբերությունների իրական հաշտեցման մասին։
Այդ պայմաններում Հայաստանի Հանրապետության իշխանությունների կողմից քարոզվող «ջերմացման» քաղաքականությունը պետք է գնահատվի առավել զգուշավոր և սթափ դիտանկյունից, քանի որ Թուրքիայի ներսում տեղի ունեցող նման գործընթացները ցույց են տալիս, որ պատմական ճշմարտության ընդունման և ազատ քննարկման համար այնտեղ դեռևս գոյություն չունեն անհրաժեշտ քաղաքական և հասարակական նախադրյալներ։
Комментарии
Отправить комментарий