ԻՆՉՊԵ՞Ս ԽՈՍԵԼ

 

կամ ինչպե՞ս չպետք է խոսել 

Մարդկանց հետ շփման գլխավոր միջոցը խոսքն է։ Բայց խոսքը միայն բառերի շարան չէ, այլ արվեստ է՝ բաղկացած ինտոնացիայից, հայացքից, ժեստից, անկեղծությունից։ Երբ մենք խոսում ենք, մենք ոչ միայն միտք ենք փոխանցում, այլ նաև վերաբերմունք։

Հիշենք՝ «Մարդիկ  մտածում են իրենց տրամաբանությամբ, և շարժվում իրենց էմոցիաներով  »։

Հենց այդ պատճառով է կարևոր խոսել այնպես, որ զրուցակիցը ոչ միայն հասկանա մեզ, այլ զգա՝ մենք հարգում ենք նրան։ 

Զգույշ  բառերի և ձայնի հետ

Խոսքի ձևը կարող է վերածել ամենափոքր դիտողությունը լուրջ վիրավորանքի։ Նույն բառերը տարբեր ինտոնացիայով կարող են ընդունվել որպես ջերմ հույս կամ վիրավորական հանդիմանություն։ Այդ իսկ պատճառով, երբ խոսում եք, մի մտածեք միայն ասելիքի, այլև՝ ինչպես եք ասում։ Դեյլ Կառնեգին հիշեցնում էր, որ «Ինտոնացիան երբեմն ավելի ազդեցիկ է, քան բուն խոսքը»։ 

Մարդկանց հետ եղիր ժպտերես ու ջերմ

Մենք երբեմն մոռանում ենք, որ մեր դեմքի արտահայտությունը հենց այն «բիզնես քարտն» է, որով ուրիշները ընկալում են մեզ։ Եթե մռայլ եք, խոժոռ, նյարդային՝ մարդիկ կհեռանան ձեզնից, անգամ եթե ոչ մի վատ բան չեք ասել։

Սակայն կարեկցանքի արժանի մարդիկ երբեմն ունենում են ծանր պահեր։ Այդ ժամանակ  խորհուրդ է տրվում՝ փորձիր մարդուն օգնել՝ ոչ թե դատել նրան։ Եթե ինքներդ եք անցնում բարդ պահերի միջով, անպայման չէ ձևացնել ուրախ, բայց կարեկցանքն ու զսպվածությունը երբեք չեն վնասի։

Ուշադրություն դարձրու զրուցակցիդ աչքերին

Երբ խոսում եք ինչ-որ մեկի հետ՝ նայեք նրան՝ անկեղծ հետաքրքրությամբ, ոչ՝ դատավորի հայացքով։ Աչքերի բարեկամական փայլը հաղորդում է. « Ես լսում եմ քեզ։ Ես կարևորում եմ այն, ինչ ասում ես»։

Մի փոքր ժպիտը, ջերմ հայացքը և անկեղծ ուշադրությունը կարող են վերափոխել ցանկացած շփում։

Մի ընդհատիր. լսիր սրտով

Լավ խոսողը նա է, ով կարողանում է լռել։ Զրուցակցին ընդհատելը հավասարազոր է, թե  նրան ասեք՝ «Ինձ կարևոր չէ, ինչ ասում ես»։ Հիշիր՝ «Եթե ուզում ես հմայել մարդկանց, սովորիր լսել նրանց՝ սրտանց»։

Ուշադրություն դարձնել խոսակցի մտքերին, գունաբանությանը, անգամ լռությանը՝ ահա դա է իսկական շփում։ 

Քաղաքավարության ձևերը երբեմն  կարևոր են բովանդակությունից

Երբ ձեզ հարցնում են՝ «Ի՞նչպես եք», տեղին չէ  մանրամասն պատմել ձեր ապրած կյանքը։ Հարցը պարզապես ընդունված ժեստ է՝ քաղաքավարության նշան։ 

   Եթե այդ նույն հարցը տալիս է շատ մտերիմ ընկեր, ձևական պատասխանը  կլինի անհամապատասխան ։ Եթե նա անկեղծ է հետաքրքրված, ապա «դու կկարողանաս ջերմ մթնոլորտ ստեղծել՝ ուշադիր լինելով դիմացինիդ զգացողությունների հանդեպ»։ 

Եղիր բնական

Ճոռոմ խոսքերը, չափազանց պաթոսը, արհեստական կեցվածքը կարող են շփումը դարձնել խաղ։ Իսկ մարդիկ սիրում են բնականություն, անկեղծություն, պարզություն։ Լավագույն ելույթները տրվում են ոչ թե բարձր ձայնով, այլ՝ սրտանց։

Մի փորձեք տպավորություն թողնել, փորձեք լավ զգացողություն թողնել։ 

«Նայիր դիմացինին այնպես, ինչպես կցանկանայիր, որ քեզ նայեին»։
«Խոսիր այնպես, ինչպես կցանկանայիր, որ քեզ հետ խոսեին»։

Իսկ եթե ուզում ես լինել սիրելի, հարգված ու ընկալված՝
խոսիր սրտանց, բայց՝ նկատի ունենալով ուրիշի համբերությունը ։