Միթե՞ Շուշին պայթեցվող կինոդեկոր է
Այդ մշտադիտարկման շրջանակում մեր ուշադրությունը գրավեց Շուշիի գրավմանը նվիրված ադրբեջանական նոր գեղարվեստական ֆիլմի թրեյլերը։ Առաջին հայացքից այն ներկայացվում է որպես հերթական ռազմապատմական կինոնկար, սակայն կադրերի մանրակրկիտ ուսումնասիրությունը բոլորովին այլ պատկեր է բացահայտում։
Այդ շենքերը պարզապես բնակելի տներ չէին։ Դրանք քաղաքի պատմական հիշողության, մշակութային դիմագծի և հայկական ներկայության կենդանի վկաներն էին։ Դրանց ոչնչացումը չի կարող դիտվել միայն որպես ֆիլմի համար ստեղծված «հատուկ էֆեկտ»։ Երբ պատմական միջավայրը գիտակցաբար օգտագործվում է որպես պայթեցվող դեկոր, վնասվում է նաև մշակութային ժառանգությունը, որի պահպանումը համամարդկային արժեք է։
 |
| Լուսանկարում նռնականետի թիրախ է դարձլ 1992-ին Շուշիի ազատագրմանը մասնակցած 442 տանկը, որ ապշշերոնյան զավթիչները հանել են հուշակոթողից և որպես թիրած ըեղադրել Ազատամարտիկների փողոցի մի հատվածում |
Առանձնահատուկ ուշադրության է արժանի նաև այն հանգամանքը, որ հրապարակված կադրերի համաձայն՝ նկարահանման գործընթացին բազմիցս հետևել է Ապշերոնի ռեժիմի նախագահի օգնական Անար Ալաքբարովը։ Եթե պետական բարձրաստիճան պաշտոնյան անձամբ վերահսկում է նման նկարահանումները, ապա դրանք դժվար է գնահատել որպես սովորական կինոնախագիծ։ Սա ցույց է տալիս, որ նման ֆիլմերը դիտարկվում են ոչ միայն որպես մշակութային արտադրանք, այլև որպես տեղեկատվական ազդեցության գործիք։
Այս ամենը ևս մեկ անգամ ցույց է տալիս, որ տեղեկատվական և մշակութային ճակատում պայքարը շարունակվում է։ Դրան արդյունավետ հակազդելու համար անհրաժեշտ են մասնագիտական հետազոտություններ, փաստերի համակարգված հավաքագրում, միջազգային լեզուներով հրապարակումներ և վերլուծություններ։
Այդ նպատակով դիմում ենք հայ բարերար-ներին։ Եթե ցանկանում ենք, որ պատմական ճշմարտությունը պաշտպանվի ոչ միայն զգացմունքներով, այլև գիտական փաստարկներով, ապա անհրաժեշտ է աջակցել այն կառույցներին, որոնք հետևողականորեն կատարում են այդ աշխատանքը։ «Կաճառ» գիտական կենտրոնին ցուցաբերվող յուրաքանչյուր աջակցություն ներդրում է ոչ միայն մեկ կազմակերպության, այլև հայկական պատմական հիշողության, մշակութային ժառանգության և ճշմարտության պաշտպանության գործում։
Комментарии
Отправить комментарий