Երևանյան վարչակարգը գնահատու՞մ է Հայ Ազգի զավակներին
Ազգի ուժը միայն հաղթանակներով չի չափվում։ Այն չափվում է նաև նրանով, թե որքան կարողանում է իրար պաշտպանել, իրար կողքին կանգնել և գնահատել իր զավակների ճակատագրերը՝ անկախ նրանից, թե կյանքի որ ճանապարհն են ընտրել։Վերջին օրերին ցավալի լուր տարածվեց, որ Ուկրաինայում մարտական գործողությունների գոտում զոհվել է «Արբաթ» հայկական գումարտակի հրամանատար, ծագումով արձախեցի, Հայկ Գասպարյանը («Աբրեկ»)։ Հայկըա զոհվել է մարտական առաջադրանք կատարելիս՝ նախատեսված իր հարսանիքից ընդամենը մի քանի օր առաջ ։ Հայկը կարող էր զոհբել հանուն Հայաստանի հանրապետության, եթե Երևանյան ռեժիմը հոգար նրա և նրա նմանների բնակարանյաին հարցը: Հիշեցնենք, որ մեկ տարի առաջ էլ ադրբեջանական հատուկ ծառայությունների կողմից կազմակերպված Մոսկվայի «Կարմիր առագաստներ» բնակելի համալիրում պայթյունի հետևանքով զոհվել է «ԱրԲաթ» հայկական գումարտակի ստեղծող, Արմեն Սարգսյանը:
1045թ. մինչ այսօր հայությունը անդադար պատերազմների մեջ է և կորստի ցավը մեր ազգի համար ցավալիորեն ծանոթ է։ Արձախի հազարավոր ընտանիքներ 1918-2023թթ. անցել են նման ծանր փորձությունների միջով՝ կորցնելով տուն, անվտանգություն և կյանքի կայուն հիմքեր։ Այսօր նրանցից շատերը շարունակում են դժվարությամբ կառուցել իրենց կյանքը ՀՀ-ում՝ սոցիալական և վարչարարական խնդիրների և անթաքույց արձախաֆոբիայի պայմաններում։Այս ֆոնին հատկապես կարևոր է, որ պետական քաղաքականությունը լինի առավել հոգատար և մարդակենտրոն։ Եթե Հայաստանի Հանրապետությունը կարողանա համակարգված և երկարաժամկետ լուծումներ առաջարկել արցախցիների բնակարանային խնդիրների համար, ապա շատերը հնարավորություն կունենան իրենց ապագան կապել հենց այս փոքրիկ հողակտորի հետ, որ հավակնում է մեծ Հայաստան դառնալու՝ զարգացնելով տնտեսությունը, շենացնելով համայնքները և մասնակցելով Հայրենիքի անվտանգության ու կայունության ապահովմանը՝ օրենքով սահմանված պարտավորությունների շրջանակում։
Սա միայն սոցիալական հարց չէ։ Սա ազգային համերաշխության, պետական պատասխա-նատվության և ժողովրդագրական անվտանգության խնդիր է։ Երբ մարդն ունի տուն, կայու-նություն և վստահություն վաղվա օրվա հանդեպ, նա առավել ամուր է կապված իր Հհայրենիքին և պատրաստ է իր ներդրումն ունենալ պետության զարգացման և պաշտպանության գործում։Հուսանք, որ Երևանյան ռեժիմին կառույցները կլսեն հանրային մտահոգությունները և կձեռնարկեն հավասարակշռված, մարդասիրական ու ռազմավարական քայլեր՝ ապահովելու համար մեր հայրենակիցների արժանապատիվ և կայուն ապագան Հայաստանի Հանրապետությունում։
Комментарии
Отправить комментарий