«Հիշողության դեմ դիվերսիա՞»
Երբ պետության ղեկավարությունը պատրաստվում է հանձնվել, նա նախևառաջ հրաժարվում է ազգի հաղթանակի խորհրդանիշներից։ Ասկերանի շրջանի Իվանյան ավանի դպրոցի անվանափոխության պատմությունը սոսկ տեղանվանական փոփոխություն չէր։ Սա բարոյական անկման և քաղաքական կլանների «էժանագին շոուի» դասական օրինակ է, որի հասցեատերը մեկն է՝ այսօր Բաքվի բանտում գտնվող Արայիկ Հարությունյանը և նրա վարչակարգը։
Գեներալն ընդդե՞մ փոխգնդապետի.
Իվանյանի դպրոցը տասնամյակներ շարունակ կրում էր 2-րդ աշխարհամարտի և Արձախյան ազատամարտի մասնակից, Արձախի հերոս՝ «Ոսկե արծիվ» շքանշանակիր գեներալ-լեյտենանտ Քրիստափոր Իվանի Իվանյանի՝ Արձախի Պաշտպանության Բանակի հիմնադրի, հրետանու առասպելական հրամանատարի անունը։ Նա մարդ էր, ում անունից դողում էր հակառակորդը 1990-ականներին։
Կարող ե՞նք սա ընկալել որպես կանխամտածված հարված 1988-1994թթ. ադրբեջանական զավթիչների նկատմամաբ հաղթանակած սերնդի ժառանգությանը։
«Կառուցողակա՞ն» մեղք
Այս անվանափոխությունը տեղի է ունեցել Արայիկ Հարությունյանի պաշտոնավարման տարիներին (թե՛ որպես վարչապետ, թե՛ որպես նախագահ)։ Սա այն նույն շրջանն էր, երբ.
Ադրբեջանը բացահայտ պահանջ էր դրել վերացնել , Երկրորդ համաշխարհային պատերազմի և Արձախյան ազատամարտի մասնակից, Արձախի հերոս՝ «Ոսկե արծիվ» շքանշանակիր գեներալ-լեյտենանտ Քրիստափոր Իվանյանի անունը՝ որպես «Ստեփանակերտի օդանավակայանի ազատագրման ռազմագործողության» առանցքային դեմքերից մեկի։
- «Հայաստան» Համահայկական Հիմնադրամը 120,231 դոլարի գումար էր հատկացնում մի շենքի վերանորոգման համար, որի ցուցանակից արդեն ջնջվել էր հաղթանակի խորհրդանիշը։
Սա Արայիկ Հարությունյանի և նրա թիմի ամենամեծ մեղադրանքն է. նրանք բարոյապես զինաթափեցին Արցախը՝ դեռևս մինչև ֆիզիկական զինաթափումը։ Հանելով Իվանյանի անունը՝ նրանք հաճոյացան թշնամուն և վիրավորեցին 90-ականների պատերազմի բոլոր մասնակիցներին։
Եզրակացություն. Էժանագին շոու՝ թանկ գնով
Սա դասական դավաճանություն է հայ ազգի հիշողության հանդեպ, որը սկսվեց դպրոցի ցուցանակից և ավարտվեց Արձախի Հանրապետության լուծարման խայտառակ փաստաթղթի ստորագրմամբ։
Հ.Գ. Գուցե հենց սա է պատճառը, որ աշխարհասփյուռ հայության հավաքած 120,231 դոլարը «քամուն տրվեց»։ Դա ընկալվել է ոչ թե ներդրում կրթության մեջ, այլ փոխհատուցում՝ սեփական պատմությունից հրաժարվելու դիմաց։
Պատասխանատվությունն անխուսափելի է
Պահանջում եմ.
Միջազգային իրավական գործընթաց. Հարուցել դատական գործ Արայիկ Հարությունյանի և Արձախի հետպատերազմյան ղեկավարության (այդ թվում՝ Ռուբեն Վարդանյանի) գործողությունների վերաբերյալ՝ Մարդու իրավունքների եվրոպական դատարանում (ՄԻԵԴ) ։
- Արդարադատության փոխանցում. Պահանջել Բաքվի ռեժիմից՝ դադարեցնել քաղաքական թատրոնը և նշված անձանց հանձնել եվրոպական արդարադատությանը։ Նրանք պետք է դատվեն ոչ թե Ադրբեջանի հորինած մեղադրանքներով, այլ հայ ազգի և պատմության առջև իրենց կայացրած կործանարար որոշումների, ազգային խորհրդանիշ-ների ուրացման և Արձախի հանձնմամբ՝ բնիկ հայության ինքնիշխան պետությունը կործանման հանգեցրած քաղաքականության համար։
Երկրորդ համաշխարհային պատերազմի և Արձախյան ազատամարտի մասնակից,
Արձախի հերոս՝ «Ոսկե արծիվ» շքանշանակիր գեներալ-լեյտենանտ Քրիստափոր Իվանյանի անունը ջնջողները չեն կարող լինել զոհի կարգավիճակում։ Նրանք պատասխանատու են այն բարոյական սպանության համար, որը նախորդեց տարածքային կորուստներին։ Հայության միջոցները քամուն տվողները և հաղթանակի խորհրդանիշները վաճառողները պետք է առերեսվեն իրական արդարադատության հետ։
Комментарии
Отправить комментарий